कैदी

अस्मिता लकान्द्री

अरु झ्यालखाना भन्दा फरक नियम छन् यहां आउनेलाई

त्यै नियमको बोजले दबाएर राखिएको छ सबैलाई

जन्मनु अघिनै मारिने कोसिस गरिन्छ मलाई

सम्योगबस जन्म भयो त सुरु हुन्छ बुवाको छटपटाइ

किनकि म एक नारी- समाज नामक

झ्यालखानाको कैदी

कसैको हवस मेटाउनको निम्ति साँचेर

राखिन्छ मलाई पीडा दिदै अदृश्य डोरीले बाधेर

खुशी छ समाज मेरो बढेको पाहिला रोकेर

लाखौं कोसिस गर्दा पनि दिदैन जान यो

पीडादायि डोरी खोलेर

किनकि म एक नारी- समाज नामक

झ्यालखानाको कैदी

गार्हो हुन्छ मलाई लिएर बाँचन -यो शरीरमा

दिएको डरलग्दो दुखाइ

कसैको प्रेम अस्विकार गर्दैमा परेको एसिडको पोलाइ

घरमा आफ्नै ठानेको अफन्तको घिनलाग्दो छुवाइ

सथै हिड्नुपर्छ आफ्नो उपस्थितिको अस्तित्व गुमाइ

किनकि म एक नारी- समाज नामक झ्यालखानाको कैदी

शताब्दी देखि छु म कसै न कसैको अधिनमा

पुस्तकमा पढाइने जस्तो बद्लिएको छैन समाजको सोचमा

थाक्दैन यो समाज मलाई कैदी बनाउदैमा

त्सपछि बेच्छ न्यायको सामु पुत्लाको भेषमा

किनकि म एक नारी- समाज नामक झ्यालखानाको कैदी।